شرح منصة كرت بزنس بإختصار

قبل سنة • قبل سنة • 51

منصة كرت بزنس هي محفظة كروت ، تقدر تضيف كرت شخصي أو كرت تعريف بشركة ، أو كرت بزنس لشغلك .. هي البديل الإلكتروني للكروت الورقية ✨

الكروت الورقية مفيدة طبعاً لكن فيها عيوب زي إنك ماتقدرش تغير رقم موبايلك في الكرت اللي الناس استلمته منك الاسبوع اللي فات 🙄 لكن الكرت بتاعك على منصة كرت بزنس تقدر تغير أرقامك في أي وقت وتظهر للناس فوراً بعد التغيير 👌

الكروت الورقية بتظهرك للناس اللي قابلتك فعلياً واستلمت منك الكرت 😅 وعدد الناس دي قليل جداً 🤨 لأن وقتك محدود ومش هتقدر تقابل ناس كتير 😒 لكن الكرت بتاعك على المنصة هيظهر لآلاف الناس اللي داخله ع الموقع من محركات البحث زي جوجل و مايكروسوفت بنج ، واللي داخلين من إعلانات الفيسبوك اللي مشغلينها طول الشهر 🧡

إزاي أعمل كرت ليا ولشغلي على موقع كرت بزنس ؟ 🤔

اعمل الخطوات اللي في الفيديو ده

أما لو بتحب الشرح بالكلام والصور ، فتابع معايا 🤝 الخطوات بسيطة ، اضغط على اللينك ده هنا

هيفتح معاك موقع كرت بزنس لكن داخل الفيسبوك ، عشان كده اضغط على التلات نقط اللي فوق يمين الشاشة ، واختار "فتح الموقع في المتصفح" زي ما شايف في الصور 👇

بعد كده هتظهرلك نفس شكل الصفحة لكن انت حالياً في متصفح جوجل كروم غالباً ، المهم اضغط على الزرار اللي مكتوب فيه حرف G كبير 👌

بعد كده هيحولك لحسابك على جوجل .. اللي هو الجي ميل .. هتختار الجيميل اللي عايز تسجل بيه في منصة كرت بزنس 🤝

أما لو ظهرلك تسجيل الدخول للجيميل بتاعك ، اكتب الجي ميل بتاعك وكلمة السر بتاعة الجي ميل عشان تسجل دخول لجوجل ، وبعد كده جوجل يدخلك لموقع كرت بزنس 👏

طب لو مش عايز تسجل دخول بالجي ميل 🤔 مفيش مشكلة ، اكتب أي ايميل واختار كلمة سر (كلمة مرور) وسجل في موقع كرت بزنس عادي خالص 🧡

بعد ما تخلص تسجيل الدخول ، هتكون وصلت للصفحة الرئيسية في موقع كرت بزنس 🔥 أهلاً بيك في الموقع 🤝

هتضغط على زرار فوق في الموقع مكتوب عليه "انشاء كرت جديد" 👌

بعدها هتملا البيانات بتاعة الكرت 👌 لو الكرت ليك انت ، هتكتب اسمك وفي التصنيف هتختار مجال شغلك أو وظيفتك .. طب لو ملقيتش مجال شغلي ولا وظيفتي ؟ 🤔 كلمنا هنا ع الرسايل أو أكتب بوست على جروب كرت بزنس وإحنا هنضيف المجال أو الوظيفة فوراً 😅

وهتكتب رقم موبايلك لو عايز تشاركه مع الناس ، وهتكتب رقم موبايلك اللي عليه واتساب لو عايز الناس تكلمك عليه ، وهتختار الدولة اللي انت متواجد فيها حالياً ، والمحافظة اللي فيها شغلك ، والمركز أو المدينة اللي انت متواجد فيها أو تابع ليها .. طب لو مش لاقي الدولة بتاعتي أو المحافظة بتاعتي أو المدينة بتاعتي ؟ 🤔 كلمنا ع الرسايل أو اكتب بوست على جروب كرت بزنس وإحنا هنضيف المطلوب فوراً 🤝 وبعدها املأ باقي البيانات اللي عايزها ، وبعدها اضغط على زرار "إضافة" اللي موجود تحت ده ✨ وبكده انت بقا ليك كرت على موقع كرت بزنس 🎉🥳

لو عايز تعمل أي تعديلات ع الكرت ، اضغط على اسمك اللي ع الكرت ، واضغط على زرار "تعديل" اللي تحت الكرت ، هتلاقي حاجات كتير تقدر تعدل عليها ، وتقدر تضيف رابط موقعك الإلكتروني وتكسب باك لينك دوفولو مجاناً 😉 وتقدر تضيف لينك بروفايلك على جت هب ، و لينكد إن ، وقناتك ع اليوتيوب ، وقناتك على تيك توك ، وغيرها كتير من اللينكات اللي تقدر تضيفها عشان الناس اللي تشوف الكرت بتاعك على موقع كرت بزنس تدخل على بروفايلاتك في كل مكان 🔥

طب أنا عايز أضيف كرت تاني لتعريف الناس بالمكتب بتاعي ؟ 🤔 مفيش أي مشكلة 🧡 اضغط على اسم الموقع "كرت بزنس" في أعلى الصفحة اللي انت فيها داخل موقع كرت بزنس ، بعد كده هتلاقي زرار "إنشاء كرت جديد" اضغط عليه ، وبعدها اكتب اسم المكتب بتاعك أو الورشة بتاعتك ، واكتب وصف المكتب بتاعك ، اختار الدولة والمحافظة والمدينة التابع ليهم مقر المكتب أو الورشة ، واختار التصنيف أو المجال بتاع المكتب أو الورشة .. وهكذا املا باقي التفاصيل ، وبعدها اضغط على زرار "إضافة" اللي موجود تحت البيانات دي كلها ✨ وبس كده انت ضفت كرت تاني لشغلك 🥳🎉

وتقدر تضيف كرت تالت ورابع وخامس بنفس الخطوات 😉🤍

#كرت_بزنس 🧡 موقع اتعمل عشانك انت 😉🫵

شارك على